Dharaaraha Aduunyada

AUGUST 14, 2020

Dharaaraha Aduunyada waxaa curisay Fadumo A. M. Yusuf “Derbi” oo ka curisay qiso dhaba. Waxay Faadumo ku daabacday tixdan bloggeeda ama baraheeda ay qoraaladeeda ku daabacdo ee fadumoyusuf.com/blog kaas ood kalasaconkartaan sugaanteeda iyo magaalada kale ay faadumo qorto.

Dhooleey aduunyada

Dharaaraa la joogaa

Dhawr sano’oo tirisoo

Laga dheelmanayoo

Hadba dhaayaheeduna

Cashar kuu dhigaayaan

Dhirbaaxooyin kulul iyo

Dhamac iyo rasaas iyo

Marbay tahay dhunkaal iyo

Nafta waxa dhibaayoo

Lala dhalan gadoomee

Dhafaruur bislaatiyo

Dheeman iyo dahabiyo

Marbay dhayda xooliyo

Malab dhiina ay tahay

macaankeedu dheeryahay

Dhibka markii aad daristaan

Rajadaadu yay dhiman

Hoos u dhicin hankaagii

Dharaaraha kharaarkihi

Ileen way dhamaaniye

Markaad dheeman iyo luul

Iyo nimco dhex joogtaa

Hays dhiganin Dhooleey

Dharaaraha macaankihi

Ileen way dhamaaniye

Dheemaneey aduunyadan

Dharaarahan is dabayaal 

Dhigaa kaad ka doontee 

Ku daahartay dhuuxiyo

Unugyada dhamaantood 

Haduu calaf ku dhaafshaa 

Qadar baan la dhaafine 

Ka dhawrsug ayaamaha 

Dhooleey wanaagsani 

Dhawaan bay imaaniye

Ku dheeree salaadiyo 

Dheemaneey cibaadada

Adkaartana ha dhiginoo

Ku dhakhtari naftaadoo 

Dhaawacii qalbiga iyo 

Beerka dhinacyadiisiyo

Sanbabada ku dhacaybay 

Dhuxeey daweeyaan

Dhaqan sami gobaadeey 

Gobanimada dhawroo 

Dharaarihii horeeyiyo 

Iska dhaaf wixii tagay 

Calaf baa ku dhaafshaye 

Ku dhardhaar ducooyin 

Dhambaal hambalyo gaadhsii 

Dhamo dumar wanaag iyo 

Ubad dhawra oo wacan 

Iyo khayr dhamaantii

Dinac yadiisa buuxshaan

©FadumoYusuf 2020

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s